Me të njëjtin qëndrim si paraardhësi i saj, Ministrja e re e Shtetit për Evropën dhe Klimën, Anna Luhrmann konfirmoi vendosmërinë e qeverisë së re të Gjermanisë, për nisjen e negociatave anëtarësuese të Shqipërisë dhe Maqedonisë së Veriut në Bashkimin Evropian.
Kur duhen edhe pesë muaj që udhëheqësit e Bashkimit Evropian të mblidhen për të diskutuar për procesin e zgjerimit me Ballkanin Perëndimor, deri më tani shpresa vazhdon të mbetet që Bullgaria të tërhiqet nga vetoja ndaj Maqedonisë së Veriut dhe jo te shqyrtimi i mundësisë që Shqipëria të shkëputet nga fqinji i saj, dhe të vazhdojë e vetme proceset anëtarësuese.
ANNA LUHRMANN
MINISTER I GJERMANISE PER EVROPEN DHE KLIMENE kam diskutuar këtë çështje që të ecim përpara në nisjen e bisedimeve me Maqedoninë e Veriut dhe Shqipërisë, muajin e ardhshëm ne do e diskutojmë në forumet në Bruksel, dhe në të ardhmen e afërme do bëjmë përpara në këtë drejtim. Për ne ka rëndësi që të ecim sa më shpejt në këtë rrugë në nisjen e negociatave për Shqipërinë dhe Maqedoninë e Veriut, kemi marrë sinjale pozitive dhe nga Bullgaria që të gjejmë në një moment sa më të afërm për një zgjidhje sa më të përshtatshme
E pritur nga zëvendëskryeministri në vizitën e saj të parë zyrtare në Tiranë, kërkesa e Arben Ahmetaj ishte.
ARBEN AHMETAJ
ZV/KRYEMINISTER I SHQIPERISEI kërkova që Ballkani Perëndimor nuk mund të lihet si një vakum për mundësi për lojëra të vendeve të treta.
Ministrja gjermane për Evropën dhe Klimën bëri një vlerësim për hapat e ndërmarra kundër krimit të organizuar dhe për të mos dëmtuar procesin e anëtarësimit në BE, kërkoi nga qeveria dhe opozita të ecin përpara me reformat.
