Vendimi i opozitës së bashkuar për të djegur mandatet ka sjellë edhe reagimin e Berlinit zyrtar.
Përmes një deklarate për mediat ministria e Punëve të Jashtme të Gjermanisë e quan të gabuar djegien e mandateve te deputetëve të opozitës.
Sipas diplomacies gjermane platforma e duhur për zgjidhjen e konflikteve politike është parlamenti.
“Po i ndjekim me shumë vëmendje zhvillimet aktuale politike në Tiranë. Bojkotimin e Parlamentit dhe në veçanti dorëheqjen e deputetëve e konsiderojmë të gabuar. Platforma e duhur për të zgjidhur konfliktet politike është Kuvendi. Ngecja në vend nuk është opsion për Shqipërinë e sidomos kur Shqipëria është në pritje të vendimit të BE-së për çeljen e negociatave të anëtarësimit”.
