Ambasada e Gjermanisë ne Shqipëri, ka reaguar në lidhje me lajmin se azilkërkuesve që do të largohen vullnetarisht nga Gjermania, do u paguhen para, për kthimin në vendet respektive.
Ambasada sqaron se ndryshe nga çfarë raportojnë mediat shqiptare, Gjermania nuk ofron euro ne këmbim te kthimit të tyre ne vendet e origjinës. Sipas ambasadës, Gjermania e ka kategorizuar Shqipërinë si vend te sigurt te origjinës dhe ne çdo rast kërkesat për azil përpunohen me procedure të përshpejtuar dhe më pas refuzohen.
Azilkërkuesit e refuzuar kthehen në Shqipëri dhe dënohen me ndalim hyrjeje në të gjithë hapësirën shengen, që mund të zgjasë deri në 5 vite.
