Korçë– Një 72-vjeçar nga fshati Pojan është gjetur i pajetë në një kanal anës rrugës.
Policia njofton se “rreth orës 20:25, në rrugën “Pojan-Zvezdë”, Maliq, në një kanal, është gjetur i pajetë shtetasi R. M., rreth 72 vjeç, banues në fshatin Pojan.”
Nga këqyrja paraprake e trupit të këtij shtetasi, nuk janë konstatuar shenja dhune.
Sipas burimeve, mësohet se viktima konsumonte alkool, dhe mund të ketë qenë i dehur kur ka humbur kontrollin dhe ka rënë në kanal ku ka ndërruar jetë.
Grupi hetimor po punon për përcaktimin e shkaqeve të vdekjes dhe sqarimin e rrethanave të ngjarjes./vizionplus.tv
