Trupat e pesë zhytësve italianë që u zhdukën gjatë një eksplorimi në Maldive javën e kaluar, janë gjetur. Trupat e dy prej tyre janë nxjerrë, ndërkohë operacioni vijon edhe për viktimat e tjera.
Sipas autoriteteve lokale, italianët u gjetën brenda një shpelle 60 metra të thellë nga një ekip i përbashkët zhytësish të trajnuar nga Finlanda dhe Maldivet.
Katër nga zhytësit italianë ishin pjesë e një ekipi të universitet te Xhenovas, përfshirë profesoreshën e ekologjisë Monica Montefalcone, vajzën e saj Giorgia dhe dy studiues të tjerë. Viktima e pestë është instruktori i grupit të kërkim shpëtimit.
Zhytësit të cilt ishin profesionitë, kishin shkuar për një ekspeditë në shpellën nënujore Alimathaa, e njohur nga vendasit si shpella e peshkaqenëve.
Autoritetet vendase kanë disa pista mbi shkaqet e aksidentit. Si fillim dyshohet se tragjedia mund të ketë ardhur nga përzierja e gazrave në bombola, me të cilat anëtarët e ekspeditës u furnizuan nga anija.
Skenari i dytë ka të bëjë me kushtet atmosferike. Ditën e aksidentti u dha një paraljamerim për erë të forte dhe stuhi të fuqishme në det.
Autoritetet lokale vijojnë hetimet për të sqaruar rrethanat e plota të tragjedisë, ndërsa komuniteti i polumbarëve ka shprehur shqetësim të madh për respektimin e kufijve të sigurisë në ekspedita të tilla të rrezikshme.
