Guvernatori i bankës së Shqipërisë Genti Sejko i pranishëm ne forumin “Euromoney” ne Vjene ka bere një pasqyrim te ekonomisë shqiptare duke ftuar bizneset e pranishme si dhe institucionet ndërkombëtare te rrisin vëmendjen ndaj vendit tone.
Ne fjalën e tij, guvernatori theksoi se sistemi financiar shqiptar është i shëndetshëm dhe parametrat kryesorë të operimit të tij janë drejt përmirësimit. Megjithatë, ky sistem duhet të jetë më realist e largpamës në nxitjen e kreditimit dhe më ambicioz në zhvillimin e segmenteve të reja të tregut financiar. Duke i ndalur tek perspektiva e rritjes ekonomike, Sejko u tha te pranishmeve se Shqipëria për shkak edhe te pozicioni gjeografik ofron avantazhe konkurruese ne terma te pasurive natyrore.
Forumi “Euromoney” për vendet e Evropës qendrore dhe lindore zhvillohet çdo vit dhe mbledh në një tryezë të përbashkët diskutimi personalitete të njohura ndërkombëtare nga fusha politike, ekonomike e financiare.
