Sekretari i Përgjithshëm i Partisë Demokratike, Gazment Bardhi, në një prononcim për mediat, denoncoi se shoqëruesi i Berishës, Myftar Lumneshi është trafikant droge dhe eksponent i grupit kriminal “B9”.
Pyetje: Keni deklaruar se persona me rekorde kriminale, të dënuar në Britaninë e Madhe, pjesë e grupit kriminal B9 janë parë në oborrin e selisë. Mund të na thoni emra ju lutem?
Gazment Bardhi: Po, shoqëruesi i Sali Berishës, Myftar Lumneshi. Faleminderit!
Lumeshi rezulton se është shpallur non-grata nga Britania e Madhe në mars të vitit 2021 dhe është nën hetim, së bashku me 8 anëtarë të tjerë të grupit kriminal, për përfshirje në trafikun e sasive të mëdha të drogës në Europë dhe Britaninë e Madhe.