Ndërkohë që pritet të fillojë protesta e thirrur nga isha kryeministri Sali Berisha, mbështetësit e tij janë mbledhur përpara selisë Blu nga ku do të marshojnë më pas drejt Kryeministrisë.
Ndërkohë mbështetësit e Sali Berishës kanë lënë një pankartë në hyrjen e selisë blu me mbishkrimin “Mbahu Vietnam, kujdes spiunët”.
Protesta e ditës së sotme, të cilën Berisha e ka cilësuar si historike, thuhet se mbahet në mbrojtje të interesit dhe pasurisë kombëtare. Pritet që gjatë këtij organizimi, folës të jenë Aldo Bumçi, Melihate Termkolli, Bujar Nishani, Albana Vokshi, Belind Këlliçi, Edith Harxhi, Megi Balliu, Ylli Manjani dhe Sali Berisha.
