Kisha e Mitropolisë ose e njohur ndryshe kisha e Burimit Jetëdhënës është në projekt për tu ringritur e kthyer në identitet.
Mitropolia e Shenjtë Korça ka shpallur nismën për rindërtimin dhe kthimin në identitet të katedrales dhe kishës historike.
Meqënese projekti është vlerësuar me një kosto të lartë financiare, nga ana e Mitropolisë Korçë është bërë thirrje për kontribute që ti kthehet qytetit ky monument shqiprtëror, kulturor dhe emblematik.
Nuk dihet ende se kur mund të nisë rindërtimi i katedrales së Mitropolisë, pasi siç del nga njoftimet e përsëritura është faza e mbledhjes së fondeve.
Kisha që ka qënë një nga simbolet e besimit orthodoks në qytet, ashtu si kisha e famshme e Shën Gjergjit pati pasoja fatale nga lufta kundër fesë që u ndërmor pas vitit 1960-të.
Kisha Burimi Jetëdhënës nisi të funksiononte me rikthimin e lirisë të besimit fetar në vendin ku egzistonte katedralja e Mitropolisë, por këtë herë nën një çati me Muzeun Kombëtar të Artit Mesjetar.
Me zhvendosjen e këtij të fundit në një godinë të re, edhe ish muzeu kaloi në pronësi të kishës orthodokse e cila ka në projekt ringritjen e katedrales të Mitropolisë.
