Policia e Shtetit gjobiti 2.953 qytetarë gjatë fundjavës sepse kanë shkelur masat anti-COVID. Prej këtyre, 2.923 persona janë kapur pa masën mbrojtëse, nga të cilët 433 po udhëtonin me makinë me persona, me të cilët nuk kishin lidhje familjare apo në autobusë.
Gjatë kontrolleve janë konstatuar dhe gjobitur me nga 1.000.000 lekë 3 subjekte të ndryshme që ushtronin aktivitetin në kundërshtim me protokollet e sigurisë.
Për administratorin e secilit subjekt është vendosur masa administrative 1.000.000 lekë. Nga ana tjetër, morën gjobë 10.000 lekë 27 persona që po lëviznin në këmbë pas orës 20.00.
