Shkelzen Gashi dhe skuadra e tij Kolorado Rapids vijon të prodhojnë rezultate pozitive në Major League Amerikane, megjithëse në planin individual kjo javë, nuk mund të konsiderohet shumë e mirë për sulmuesin e kombëtares kuqezi. Gashi humbi një 11-metersh në fitoren 3 me 1 të skuadrës së tij kundër Seatlle Sounders. Lojtari kuqezi gjithsesi bëri një ndeshje tejet pozitive duke marrë komplimentet e mediave sportive ne Shba për rolin e tij tek skuadra e Kolorados, e cila është ë dyta në konferencën e perëndimit me 1 pikë më pak sesa Dallas. Gashi dha asistin e golit të parë të vendasve shënuar nga Xhons në minutën e 20. Në të 67 kur rezultati ishte 2 me 1 për ekipin e tij Gashi ekzekutoi një 11-meteresh por portieri i Seatlle Sounders Frei arriti të largoje topin. Për fatin e tij të mirë Kolorado shënoi sërish më vonë, duke mos e vene ne diskutim fitoren. Ndryshe nga Gashi, në serine B italiane, Ledion Memushaj ishte protagonist me gol ne fitoren e rëndësishme 2 me 1 të skuadrës së tij Peskara kundër Breshias. Një fitore që e mban Peskaren në vendin e 4 dhe tani zona Play Off është thuajse e siguruar. Goli me kokë nga Memushaj u shënua në minutën e 52 dhe shërbeu për përmbysjen e rezultatit past në të 77 ishte Lampedula që realizoi edhe golin e dytë në portën e Breshias.

Leave a Reply

Your email address will not be published. Required fields are marked *