Gara për kreun e BKH-së/ Nga Haki Çako te Gledis Nano e Joni Keta, publikohen 13 emrat e kandidatëve

Prokuroria e Posaçme kundër Korrupsionit dhe Krimit të Organizuar (SPAK) ka njoftuar ditën e sotme se në kuadër të thirrjes së hapur për pozicionin e Drejtorit të Byrosë Kombëtare të Hetimit (BKH), deri në afatin e vendosur nga Komisioni i Përzgjedhjes rezulton se kanë aplikuar 13 kandidatë.

Pas mbylljes së aplikimeve, procesi kalon në fazën e verifikimit paraprak, gjatë së cilës, Komisioni i Përzgjedhjes i ngritur me Urdhrin nr. 11794, datë 07.04.2025 të Drejtuesit të SPAK dhe në zbatim të Vendimit nr. 5, datë 22.05.2025, do të shqyrtojë dokumentacionin e paraqitur nga kandidatët për të vlerësuar përmbushjen e kushteve ligjore dhe kritereve të përcaktuara në ligjin nr. 95/2016 “Për organizimin dhe funksionimin e institucioneve për të luftuar korrupsionin dhe krimin e organizuar”.

Kandidatët që kalojnë fazën e verifikimit paraprak do të ftohen për të marrë pjesë në fazat pasardhëse të procesit.

1. Andi Pogaçe
2. Artur Beu
3. Astrit Halilaj
4. Elton Kërluku
5. Gentian Ndoi
6. Gentjan Shehaj
7. Gledis Nano
8. Haki Çako
9. Joni Keta
10. Maoricio Sheldija
11. Marinela Pilinçi
12. Miklovan Kanani
13. Nevrus Ndregjon

/vizionplus.tv