Gara për drejtor të përgjithshëm në Policinë e Shtetit

33 efektivë të Policisë së Shtetit me gradën drejtues, zhvilluan konkursin për të marrë gradën drejtues i parë. Ata garuan për 5 pozicione të lira me gradën “drejtues i parë ”, në hierarkinë e Policisë së Shtetit.

Në listën e efektivëve që konkurrojnë, janë të gjithë drejtorët e qarqeve, përfshirë edhe atë të policisë së Tiranës Ardi Veliu, emri i të cilit është përfolur si pasuesi i Haki Çakos. Grada është një nga kriteret për zgjedhjen e drejtorit të Përgjithshëm të Policisë së Shtetit, post te cilin aktualisht e mban Rebani Jaupi.