Nuk ka asgjë më të mirë se ndjesia kur shtrihesh në krevat me çarçafë sapo të larë.Edhe pse procesi i larjes së rrobave mund të mos jetë aq argëtues, ai është i nevojshëm për rehati në shtrat, i cili kontribuon në cilësinë e gjumit.
Është gjithashtu e rëndësishme që të ndani siç duhet rrobat përpara se t’i lani, që do të thotë se ndoshta nuk do t’i vendosni çarçafët tuaj në lavatriçe së bashku me peshqirët apo bashkë me rrobat e palestrës.
Rregulli i përgjithshëm është që çarçafët të lahen veçmas nga rrobat e tjera. Kur çarçafët lahen veçmas, lejon që nëpër to të qarkullojë ujë plotësisht dhe të bëhen më të pastër, duke shmangur rrezikun e dëmtimit.
Pse duhet të shmangni larjen e peshqirëve dhe çarçafëve së bashku?
Trashësia dhe materiali i rëndë i peshqirëve mund të dëmtojë çarçafët tuaj të preferuar. Ekziston rreziku që çarçafët të grisen dhe peshqirët gjithashtu shkaktojnë telashe. Kokrrizat e peshqirëve përfundojnë në çarçafë dhe kjo bëhet e sikletshme.
Dallimi në peshë (çarçafët janë të hollë dhe të butë, peshqirët të ashpër dhe të trashë) kërkon cikle të ndryshme larje dhe tharje. Mbulesat e shtratit dhe pëlhurat më të lehta thahen më shpejt se peshqirët. Nëse përdorni një tharëse rrobash, çarçafët tuaj mund të thahen dhe dëmtohen shumë, dhe nëse nuk i thani plotësisht peshqirët, ato mund të bëhen me myk.
Sa shpesh duhen larë çarçafët dhe peshqirët?
Në mënyrë ideale çarçafët duhen larë një herë në javë dhe peshqirët çdo tre ditë. Arsyeja për ato larje të shpeshta është e njëjta: lëkura e vdekur, bakteret mund të grumbullohen shpejt në të dyja.
Ekziston një përjashtim që mund t’ju bëjë të dëshironi t’i lani peshqirët edhe më shpesh. Një studim i vitit 2015 nga Universiteti Shtetëror i Kansas zbuloi se peshqirët janë produkti më i ndotur në kuzhinë. /Living/
