Ministrja Etilda Gjonaj, njoftoi shkarkimin nga detyra të 15 punonjësve të Inspektoiratit Shtetëror të Mjedisit, Pyjeve, Ujërave dhe Turizmit në Tiranë.
Mes të shkarkuarve është dhe kryeinspektori i mjedisit. Ata akuzohen për akte korruptive dhe abuzime me detyrën .
Gjonaj tha se për këtë institucion janë rekomanduar gjithashtu edhe 13 masa të tjera disiplinore.
Ndërkohë Gjonaj tha se në Spitalin Universitar Obstetrik Gjinekologjik “Koço Gliozheni” në Tiranë janë rekomanduar 8 masa disiplinore për stafin drejues dhe administrativ të këtij institucioni.
Në raportin e përjavshëm ajo e vuri theksin edhe tek rezultatet e Policisë së Shtetit, e cila në bashkëpunim me organin e prokurorisë kanë evidentuar 27 vepra penale në fushën e korrupsionit dhe abuzimit me detyrën nga ana e punonjësve të administratës publike dhe janë proceduar penalisht 37 autorë, nga të cilët:
– Arrestuar dhe ndaluar 4 autorë;
– 30 prej tyre ndiqen në gjendje të lidheautorë;
– 3 prej tyre janë shpallur në kërkim;
Sakaq, Gjonaj tha se Shërbimi i Kontrollit të Brendshëm në sistemin e burgjeve ka rekomanduar marrjen e masave administrative me akuzën për shkelje të ligjit për:
– 1 Drejtor
– 1 Shef Policie burgu
– 1 Shef i Regjimit të Brendshëm