Një anije detare tajlandeze u përmbys gjatë një stuhie në Gjirin e Tajlandës të dielën mbrëma, duke bllokuar kështu më shumë se 100 marinarë.

 

Sipas autoriteteve tajlandeze, rreth 80 anëtarë të ekuipazhit janë tërhequr, por kanë mbetur edhe rreth 30 marinarë të bllokuar, pasi HTMAS Sukhotai u fundos.

 

Nuk raportohet për viktima, por tre anëtarë të ekuipazhit janë në gjendje kritike.

 

Zyrtarët thanë se anija u fundos pasi i hyri uji, i cili përmbyti trupin e saj.

 

Anija u fundos rreth orës 23:30 me kohën lokale të dielën.

 

“Kanë kaluar më shumë se 12 orë, por ne do të vazhdojmë të kërkojmë”, tha një zëdhënës i marinës për BBC.

 

Tri anije detare dhe helikopterë u dërguan për ta ndihmuar HTMAS Sukhotai, por vetëm njëra arriti në anije përpara se të fundosej.

 

U shpëtuan 75 nga 106 marinarët në bordin e Sukhotai, tha marina.

 

Që nga mëngjesi i së hënës, 31 nga 106 anëtarët e ekuipazhit janë ende “në ujë”, vazhdon deklarata./rel

Leave a Reply

Your email address will not be published. Required fields are marked *