Rikthehen problemet e mungesës së energjisë elektrike në Moglicë.
Pesë fshatra në këtë njësi administrative të bashkisë se Maliqit janë pa energji elektrike.
Bëhet fjalë për fshatrat Peshtan, Kodras, Osojë, Gjinikas dhe Protopapë të cilët prej tri ditësh vuajnë mungesën e energjisë Elektrike.
Lajmi bëheti i ditur nga administratori i njësisë Moglicë, Arben Dulellari i cili thotë se problemet vijnë vetëm disa ditë pasi energjia ishte rikthyer nga një mungesë e gjatë në muajin janar të këtij viti.
Shkak i mungesës se energjisë elektrike, gjithnjë sipas Dulellarit është linja e gjatë dhe shumë e amortizuar e rrjetit të shpërndarjes së energjisë nga Lekasi në Moglicë.
Për të njëjtën arsye ka munguar për gati 15 ditë energjia në të gjitha fshatrat e njësive administrative Moglicë dhe Gorë edhe gjatë muajit janar.
Gjithashtu, administratori i njësisë Moglicë, tha se një elektriccist e ka krejt të pamundur të mbajë në gatishmëri në një periudhë dimri 19 fshatra që ka kjo njësi.
Një gjë e tillë është pranuar edhe nga kryetari i bashkisë Maliq, Gëzim Topcciu i cili i ka kërkuar OSHEE-së furnizimin e këtyre fshatrave me energji elektrike nga një linjë tjetër më e afërt me qëllim shmangien e këtyre problemeve.
