Frrokaj: Asnjë provë kundër meje

Në dëshminë e dhënë para Prokurorisë, kryebashkiaku i Lezhës Fran Frrokaj ka thënë se arrestimi i tij është bërë pa asnjë provë që mund ta përfshijë në skandalin e tjetërsimit të pronave. Frrokaj ka pranuar se ka firmosur dokumentet e përgatitura nga vartësit, por ka mohuar që të ketë lidhje me ndryshimet e bëra në titujt e pronësisë së tokave.

Mësohet se Frrokaj ka thënë para prokurorëve se nuk ka asnjë lidhje me akuzën, pasi i vetmi veprim i tij ka qenë siglimi i një shkrese të përgatitur nga vartësi i tij, mbi bazën e dokumenteve që ka dorëzuar një qytetar.