Në vazhdimësi të përpjekjeve për të ndaluar përhapjen e koronavirusit që ka vrarë mbi 1.500 persona, Kina do të dezinfektojë kartmonedhat brenda 14 ditësh.
Zv.guvernatori i Bankës Qendrore në Kinë, Fan Yifei qartësoi se do të përdoren rrezet ultravjollcë ose temperaturat e larta për dezinfektimin e kartëmonedhave kineze, juan, të cilat më pas do të vulosen dhe izolohen për 7 deri në 14 ditë para se t’i rivendosin në qarkullim.
Shumë kinezë kanë kufizuar përdorimin e kartëmonedhave për shkak të frikës nga virusi i rrezikshëm, duke zgjedhur që blerjet t’i kryejnë në internet.
“Eshtë e nevojshme të minimizohet përdorimi i kartmonedhave, për të ruajtur sigurinë dhe shëndetin e përdoruesve”, tha Yifei.
Ndër të tjera, zv.guvernatori sqaroi se bankave iu është kërkuar të ofrojnë kartëmonedha të reja për klientët.
