I ftuar në Spotlight, Vizion Plus, përmes një lidhje Skype, Ilir Kulla, ekspert për Çështjet e Sigurisë duke biseduar për përplasjet me të fundit midis Macron dhe Erdogan tha se politikanët do të shfrytëzojnë momente dhe përplasje të tilla për të hequr vëmendjen nga protesta dhe çështjet e tjera më të komplikuara.
Ai shton se duhen parë qëndrimet që do të mbahen mes njëri-tjetrit duke u ndalur kështu edhe në zonat e nxehta në jug të Mesdheut.
Ndiqni më poshtë debatin e plotë:
Ilir Kulla: Midis atyre dyve edhe mund të ketë përplasje të mëtutjeshme, sepse siç e thashë, ata janë politikane dhe për arsye të brendshme do replikojne me njeri tjetrin. Ajo çfarë duhet kuptuar është që viti 2020 për shkak të Covid it është një vit shumë i vështirë ekonomik për gjithë shtetet sado të forta qofshin ato dhe me probleme të mëdha sociale dhe njerëzit do mundohen, politikanët të shfrytëzojnë çështje të tilla për të hequr vëmendjen nga protesta.
Alban Dudushi: Ti e quan më tepër një tërheqje vëmendjeje nga situata më të komplikuara?
Ilir Kulla: E dyta pastaj do shohim nëse do ketë marrëveshje dhe çfarë qëndrimesh do të kenë ata ndërmjet njeri tjetrit në konfliktet apo le të themi në ato konkurrimet gjeopolitike që përmendëm pak më lart.
Alban Dudushi: Po, që kanë të bëjnë me barkun e Mesdheut dhe me…
Ilir Kulla: Duke filluar nga konflikti Armeni-Azerbajxhan ku përplasja mes Francës dhe Turqisë është e drejtpërdrejtë tek Mesdheu dhe tek pjesa jugore e Mesdheut ku janë vendet që janë në konflikt. Sigurisht unë mendoj që ka çështje që kanë të bëjnë me emigracionin, multikulturalizmin e gjëra të tilla nuk mund të mungojnë ndonjëherë..
Alban Dudushi: Janë tema të mprehta gjithmonë.
Ilir Kulla: Por, sa më shumë do afrohen zgjedhjet në Francë, me shumë do rritet ky tension dhe anasjelltas sa më shumë probleme të brendshme të ketë Erdogan aq më shumë do mundohet pastaj që ti transferojë jashtë, qoftë kjo në konfliktin Siri apo…
Alban Dudushi: Të dyja palët janë duke bërë lojë për efektet brenda, por natyrisht edhe për gjeopolitikën, kjo ishte ideja.
Ilir Kulla: E përmendëm, ata janë politikane dhe është shumë më logjike që do t’i përdorin çështje të tilla me karakter të fortë politik edhe për të dominuar diskutimin e brendshëm politik në vendet përkatëse.
