Franca fiton nje ndeshje ndaj Italisë ne fushën e kësaj te fundit pas me shume se 5 dekadash. Gjelat e mposhten përfaqësuesen italiane 3 me 1 ne Bari ne miqësoren qe solli edhe debutimin me pankinen e kaltër te trajnerit te ri Xhanpiero Ventura. Një start jo i mire per ish trajnerin e Torinos, i cili pak a shume i besoi si titullarë lojtareve qe përdori edhe ish-tekniku Konte ne europian. E megjithatë forca e Italisë, mbrojtja ketë here ka futur shume uje, duke ndjere padiskutim mungesën e Bonucit. Francezet kaluan ne avantazh me Marsial qe ne minutën 17, por vendasit iu përgjigjen shume shpejt me ane te sulmuesit Pelle. E megjithatë ne minutën e 28, skuadra e e Deshamp iu rikthye avantazhit me ane te Zhiru. Italia pati ne vazhdim deri ne fund te takimit disa raste te mira per te barazuar por nuk ia doli mbanë. E madje edhe u ndëshkua me golin e trete ne fund. Per tu evidentuar debutimi histori i portierit Donaruma tek Italia ne moshën 17 vjeç. Rekord absolut tek axurret. Si dhe përdorimi ne ketë miqësore i Movioles per raste te diskutueshme si gol ne pozicion jashtë loje, faull brenda apo jashtë zone, gjeste antisportive qe nuk janë pare nga gjyqtaret etj, një moment i konsideruar historik nga FIFA. Ndërkohe ne nje tjeter miqësore luksi, Spanja edhe ajo me trajnerin e ri Julian Lopetegi i ka dhene nje leksion Belgjikës, duke e mundur 0 me 2. Ai qe ka vendosur ndeshjen ne Bruksel ishte David Silva, autor i nje dygoleshi. Ne pjesën e pare shënoi pas nje goditje brenda zone, ndërsa ne te dytën me 11-metersh. Fitore e lehte per kampionet e europes ne fuqi, Portugalinë e cila mundi 5 me 0 modestet e Gjibraltarit. Nani shënoi nje dopiete, ndërsa golat e tjere u realizuan nga Joao Kanselo, Bernardo Silva dhe Pepe. Surpriza e miqësoreve te fundit erdhi nga Eint’hoven aty ku Holanda u mund 1 me 2 nga Greqia. Kombëtarja portokalli vazhdon nje moment te turbullt. Vendasit kaluan te paret ne avantazh me ane te Vijnaldum, por Greqia barazoi shpejt me ane te Mitroglu dhe me pas i njëjti lojtar ishte protagonist ne golin e fitores te shënuar nga Janiotas.

Leave a Reply

Your email address will not be published.