Duke filluar nga java e ardhshme, mbajtja e maskave në ambjente të mbyllura do të jetë e detyrueshme, për tu mbrojtur nga Covid-19.
Lajmi është bërë i ditur nga kryeministri i vendit, Jean Castez.
Një ditë më parë, presidenti i Francës, Emmanuel Macron, tha se ky detyrim do të hyjë në fuqi nga 1 gushti.
Por, Castex njoftoi sot senatin francez se afati është zhvendosur përpara, pas sugjerimeve se gushti mund të jetë vonë.
Në rajonin veriperëndimor të Francës, Majene, urdhri hyn në fuqi duke filluar nga sot.
Kjo, për shkak të shqetësimeve për rritjen e numrit të rasteve me koronavirus.
Deri më tani, mbajtja e maskës në Francën, ka qenë e detyrueshme në transportin publik dhe në ambjentet ku distanca fizike ka qenë e pamundur.
Franca konsiderohet si një nga vendet më të prekura në Evropë nga koronavirusi, ku numërohen mbi 210,000 njerëz të infektuar dhe mbi 30,000 jetë të humbura./VIZION PLUS/
