Personi që shihet në foto, me moshë rreth 40 vjeç, për shkaqe ende të paditura u gjend i rrëzuar përtokë rreth orës 11.30 të kësaj të hëne te zona pranë repartit zjarrfikës në Korçë.
Në pritje të shërbimit të urgjencës, sipas dëshmimtarëve okularë, ai ka qëndruar rreth 15 minuta mbi trotuar, në rrezik të gjendjes së tij shëndetësore.
Në këtë rast, ardhja disi me vonesë e autoambulancës ndodhi për shkak të bllokimit të mjetit në trafik, i cili si në ardhje edhe në kthim megjithëse me sirenë nuk e gjeti rrugën të hapur nga mjetet para tij.
