20 ton produkte ushqimore të sekuestruara përgjatë muajve të fundit nga AKU, janë asgjesuar ditën e sotme.
Produktet në fjalë janë bllokuar në subjekte të ndryshme gjatë aksioneve të AKU-së, bllokim i cili ka ardhur si rezultat i mungesës së gjurmueshmërisë së mallit, mungesës së dokumentacionit shoqërues dhe kalimit të afatit të përdorimit.
Sipas drejtorit të AKU-së, kontrollet do të vijojnë për garantimin e sigurisë ushqimore për konsumatorët.
AKU bën me dije se janë bllokuar 11 ton erëza te ndryshme, 8 ton mish dhe 1700 pije energjike jashtë datës së skandecës.
Autoriteti Kombëtar i ushqimit prej ditësh është duke kontrolluar tregjet në të gjithë vendin pas skandaleve të njëpasnjëshme të bëra publike në media mbi perimet e rritura me “OMGJ” apo falsifikimin e datës së skandecave në artikuj që gjejnë përdorim masiv në tregun shqiptar.
