Zëdhënësja e Partisë Demokratike, Floriana Garo ju përgjigj kryeministrit Edi Rama për sjelljen e tij ndaj vajzave dhe grave shqiptare.
Përmes një deklarate për mediat, Garo tha se vajzat shqiptare nuk meritojnë një kryeministër si Rama, por dikë si Basha. Sipas saj, vetëm lideri demokrat di si të sillet dhe të punojë për to.
“Zoti Rama, të vetmen gjë që duhet të bëje sot ishte t’u kërkoje falje atyre grave dhe vajzave që ke dhunuar, bullizuar, ofenduar e tallur. Imagjino sikur ajo të ishte vajza juaj! Është koha që vajzat dhe gratë shqiptare do të marrin vendin që u takon, mbrojtjen që meritojnë nga çdo sjellje e padenjë ndaj tyre dhe dinjitetin që u është shkelur këto vite. Koha juaj ka mbaruar, zoti Rama. Vajzat dhe gratë shqiptare meritojnë një kryeministër që i respekton dhe punon për to. Dhe ky është Lulzim Basha.”
