Kreu i Partisë Demokratike, Sali Berisha, ka lëshuar një mesazh urgjent drejtuar strukturave të PD-së, me kërkesën për shpërndarje të menjëhershme te të gjithë numëruesit dhe vëzhguesit e angazhuar në procesin zgjedhor.
Në mesazh, Berisha denoncon një rast të dyshuar manipulimi në Njësinë Administrative Nr. 9 në Tiranë, ku sipas tij, janë konstatuar fletë votimi me ngjyra të ndryshme nga njëra-tjetra, duke hedhur dyshime serioze mbi rregullsinë e numërimit.
“Mesazh për shpërndarje urgjente te çdo numërues dhe vëzhgues i yni! Numëruesit tanë në Njësinë Administrative Nr. 9 në Tiranë kanë gjetur fletë votimi me ngjyra të ndryshme nga njëra-tjetra. Çdo numërues dhe vëzhgues i yni të shohë me shumë vëmendje dhe të evidentojë fletët e votimit me ngjyra të ndryshme nga njëra-tjetra, të ndërpresë menjëherë numërimin dhe të njoftojë kandidatin ose drejtuesit tanë. “Përshëndetje të përzemërta!”, thuhet në mesazhin e Berishës.
/vizionplus.tv
