Një zhvillim i ri pozitiv është shënuar për Mariah Carey lidhur me padinë e ngritur ndaj saj për këngën e famshme “All I Want for Christmas Is You”. Sipas vendimit të fundit të gjykatës, avokatët e dy personave që e akuzuan këngëtaren për plagjiaturë janë urdhëruar të paguajnë rreth 110 mijë dollarë si sanksione në favor të saj.
Çështja nisi në vitin 2023, kur Andy Stone dhe Troy Powers e paditën Mariah Carey, duke pretenduar se ajo kishte kopjuar këngën e tyre me të njëjtin titull, të publikuar në vitin 1989. Ata kërkonin një dëmshpërblim prej 20 milionë dollarësh.
Në mars të këtij viti, gjykata e rrëzoi padinë, me gjyqtarin që theksoi se pretendimet ishin të pabazuara dhe se raste të tilla duhen ndaluar për të shmangur ngritjen e proceseve të pavlefshme ligjore.
Mariah Carey scores another victory in lawsuit over All I Want For Christmas Is You as judge orders opposition to pay massive penalty https://t.co/S3p3oHKgMT
— Daily Mail Celebrity (@DailyMailCeleb) December 24, 2025
Megjithatë, pasojat ligjore për paditësit nuk përfunduan aty. Sipas mediave amerikane, përfshirë TMZ, gjykatësi ka vendosur që avokatët e tyre të paguajnë sanksione financiare. Dokumentet tregojnë se Mariah Carey ka përfituar 92,303.20 dollarë, ndërsa avokatët e paditësve janë detyruar të paguajnë edhe mijëra dollarë të tjerë për shkelje procedurale gjatë procesit, duke e çuar shumën totale të penalitetit në afro 110 mijë dollarë.
/vizionplus.tv
