Një agjent slloven i shërbimit të sigurisë ka filmuar me dron shtëpinë e presidentit të Maqedonisë, Gjorge Ivanov, në qytetin e Ohrit.
Slloveni është prezantuar si agjent i shërbimit intelegjent të Sllovenisë dhe ka treguar se është zyrtar i NATO-s.
Ai i ka thënë policisë se është nga misioni i NATO-s në Napoli dhe se lidhur me dronin, ka qenë duke luajtur me djalin e tij.
Policia e Maqedonisë ka sekuestruar dronin pas dyshimeve për spiunazh, si dhe ka njoftuar ministrinë e Punëve të Brendshme të Sllovenisë, të cilët në një përgjigje kanë bërë me dije se qytetari i tyre nuk ka asnjë mision të fshehtë në Maqedoni.