Kisha e Shën Gjergjit në Strum, të Fierit një objekt i shkatërruar për vite me radhë ështe lënë në mëshirë të fatit.
E ndërtuar rreth vitit 1782 kisha ka shërbyer si një vend i shenjtë për besimtarët e krishterë deri rreth vitit 1967, kohë kur, sipas At Spiro Pipës është mbyllur dhe për plot 23 vite ka qëndruar e tillë. Rreth viteve 90 kisha është shkatërruar dhe që atëherë në të nuk është vënë dorë.
Në ditën ndërkombëtare të monumenteve të kulturës dhe siteve arkeologjike, kjo kishë ka parë vizitorët e parë, pas shumë vitesh. Nxënës shkollash kanë parë nga afër rrënojat e kësaj kishe, ndërsa janë njohur edhe me projektin restaurues të saj, i cili sipas kryebashkiakes Majlinda Bufi, është hartuar në bashkëpunim me institutin e momenteve të kulturës.
Sipas Zonjës Bufit, për shumë kohë kjo kishë, ashtu si shumë të tjera, nuk ka pasur vëmendjen e duhur, jo vetëm nga pushteti vendor.
Ndërsa për drejtorin e Muzeut Historik Kombëtar Dorian Koci, turizmi kulturor është një tjetër objektiv që duhet të realizohet, ndaj ndërhyrjet në të tilla objekte shihen si domosdoshmëri
