Ndërrimi i viteve tashmë është bërë traditë që dhe në kryeqytetin shqiptar të pritet ne spektaklin e fishekzjarreve dhe koncerte në sheshin “Skënderbej”.
Atmosfera e ndërrimit të viteve në kryeqytet duket se ka tërhequr vëmendjen e mediave ndërkombëtare, të cilat e kanë renditur Tiranën mes kryeqyteteve botërore që shkëlqyen me festimet për natën e ndërrimit të viteve.
Një nga mediat më të njohura austriake, ORF.AT, ka publikuar si foto kryesore Kullën e Sahatit të Tiranës të mbuluar nga fishekzjarrët e hedhura nga Bashkia e Tiranës që ndriçonin qiellin.