Festë nën hijet e luftës, mijëra besimtarë mblidhen për faljen e Bajramit në xhaminë Al Aksa në Jeruzalem

Nën hijen e luftës në Rripin e Gazës, muaji i shenjtë i Ramazanit përfundoi sot për miliona besimtarë myslimanë në mbarë botën.

Arabia Saudite, e cila është shtëpia e Mekës dhe Medinës, dy vendet më të shenjta myslimane, nisi festimet e Fitër Bajramit.

Al Aksa, vendi i tretë më i rëndësishëm për botën Islame, njëherësh xhamia e palestinezëve, priti sot mijëra besimtarë.

Në sheshin qendror në Jeruzalem, myslimanët u mblodhën për faljen e namazit.

Kjo ditë festohet nga besimtarët në Katar, Emiratet e Bashkuara Arabe, Turqi, por edhe në vende të tjera në Europë dhe botë.

Fiter Bajrami mbledh bashkë familjarë e të afërm në dreka e darka bashkë me urimet për më shumë shëndet,  harmoni e paqe. /vizionplus.tv