Këngëtari i njohur nga Kosova , Fero I ka befasuarf të gjithë duke marrë vendimin drastic për të lënë përfundimisht muzikën,.
Shkak, sikurse ai shpjegon përmes një postimi në facebook është feja Islame.
Fero shprehet se nëpërmjet besimit në fenë islame ka arritur të kalojë disa sfida në jetën e tij.
Ai madje kërkon falje për këngët e tij dhe iu bën thirrje të gjithëve që të mos i dëgjojnë më muziken që ai ka bërë deri tani.
“Përshëndetje miq, desha t’ju njoftoj se kohëve të fundit kam pasur disa sfida në jetën time, të cilat me ndihmën e Allahut i kam kaluar. Unë kam vendosur që përfundimisht të largohem prej muzikës, arsyeja kryesore është se kohëve të fundit kam studiuar rreth fesë islame dhe më është bërë e qartë se muzika është e ndaluar në islam. Për këtë arsye kam vendosur që ta lë muzikën dhe t’i përkushtohem fesë islame dhe familjes time.
Unë dua t’ju njoftoj se falem 5 herë në ditë, dhe pendohem te Allahu, Krijuesi i gjithësisë për çdo këngë që e kam kënduar dhe çdo tekst që e kam shkruar, pastaj i kërkoj falje familjes time dhe gjithkujt që i kam bërë padrejtësi, ju kërkoj që t’ma bëni hallall.
Unë kam një mesazh për çdo kënd që dëgjon këngët e mija le t’i fshijë ato këngë ose mos t’i dëgjojë asnjëherë, le të largohet nga kjo gjë e kotë.
Secili njeri është i lirë të zgjedh mënyrën se si ta jetojë jetën e tij.
Gjithashtu ju thërras të gjithë juve që të falni namazin, ndiqni shembullin tim të udhëzimit dhe të largoheni nga shembulli i devijimit.
E di se do të ketë njerëz që do të më paragjykojnë, do të thonë se a e dini se çfarë mëkate ke bërë etj, mirëpo mua më mjafton fjala e Allahut të Lartësuar: “Thuaj: “O robërit e mi, ju që e keni ngarkuar veten me shumë gabime, mos e humbni shpresën ndaj mëshirës së Allahut, se vërtet Allahu i fal të gjitha mëkatet”.
Me respekt Feronit Shabani”.
