200 milionë euro janë investuar në bujqësi gjatë 7 viteve nga sektori i mikrofinancës, në bashkëpunim me ambasadën holandeze.
Kjo shumë është lëvruar për fermerët qoftë si kredi, por për trajnime me qëllim që ata të rrisin aftësitë e tyre digjitale dhe të përqafojnë teknologjinë për pagesa e shërbime utilitare.
“Ne kemi në fokus ndihmën ndaj fermerit, kemi organizuar disa trajnime për ta për digjitalizimin. Është pak i vështirë penetrimi i digjitalizimit në zonat rurale, por ne kemi kryer anketa dhe na ka rezultuar se thuajse të gjithë fermerët kanë telefonë smart. Madje, kemi arritur në përfundimin se gratë në bujqësi janë të zonja në përdorimin e telefonëve dhe në digjitalizim”, tha Behar Gjoni, përfaqësues i mikrofinancës.
Nga ana tjetër, ambasadori i Holandës u shpreh se mbështetja me ekspertë dhe fonde për fermerët shqiptarë drejt digjitalizimit do të vijojë.
