FBI arriti te zhbllokoje iPhone e autorit te masakrës se San Bernardinos ne Kaliforni, duke i dhëne fund nje beteje gjyqësore te qeverise amerikane me kompaninë e prodhimit te këtyre telefonave, Apple. Kompania e njohur teknologjike kishte refuzuar ta bënte nje gje te tille, pavarësisht një urdhri gjykate, me argumentin se do te cenohej privatësia personale dhe mbrojtja e te dhënave. Por Departamenti Amerikan i Drejtësisë, njoftoi se nuk kishte nevoje per ndihmën e kompanisë per te gjetur fjalëkalimin e telefonit. Zhbllokimi i Iphone përmes metodave alternative ngre pikëpyetje të reja ligjore. Avokatët e kompanisë Apple, thanë se kërkojnë te dinë metodën e përdorur për të hapur telefonin. Nga ana tjetër shtohet edhe pasiguria për klientët e kompanisë, sesa force ka ajo per ruajtjen e te dhënave te tyre. Ky rast ka shtuar tensionet mes autoriteteve amerikane dhe industrisë së teknologjisë, lidhur me aksesin në të dhënat personale në telefona ne rastet kur përdoruesi përfshihet ne nje krim. Sayed Rizwan Farook, personi qe përdorte IPhone dhe bashkëshortja e tij vranë 14 vete dhjetorin e kaluar, përpara se te qëlloheshin per vdekje gjate shkëmbimit te zjarrit me policinë.
