Favorizoi Emiljano Shullazin, pezullohet drejtori i burgut 313

Është pezulluar nga detyra drejtori i Burgut “313”, Maksim Hamitaj.

Sipas informacioneve pezullimi ka ndodhur për  shkak të favorizimit me takime shtesë të Emiljano Shullazit duke e lejuar të takohet me anëtarët e bandës, që po ashtu ndodhen në të njëjtin Institucion të Ekzekutimit të Vuajtjes Penale.

Urdhri për pezullimin e tij është lëshuar nga Drejtori i Përgjithshëm i Burgjeve, Agim Ismaili.

Ndërkohë, Ministria e Drejtësisë ka njoftuar para disa ditësh se ka hapur garën për drejtues të rinj të burgjeve në kuadër të reformimit të thellë në të gjithë sistemin penitenciar.