Pas akuzave të bëra nga kryedemokrati Lulzim Basha, për kriminalitetin në vend, ka reaguar ministri i brendshëm Fatmir Xhafaj.
Në një status në rrjetet sociale, Xhafaj e quan te pavërtetë deklaratën e Bashës se situata e krimit është tashmë një emergjencë madhore.
“Të dhënat dhe faktet mbi punën tonë të palodhur e pa kompromis me botën e krimit dhe rezultatet konkrete janë e vërteta. Krahaso çdo shifër e të dhënë të kohës së Lulzim Bashes si ministër i brendshëm, me ato të këtyre 2 viteve të fundit”, – shkruan Xhafaj, duke e quajtur Bashën si ish-ministrin e brendshëm më të paaftë në vite.
