Situata nga përhapja e koronavirusit në Francë është shumë shqetësuese. Kështu u shpreh këtë të hënë shefi i shërbimit shëndetësor Jérôme Salomon.
“Numri i rasteve po dyfishohet ditë pas dite” tha ai, duke shtuar se numri i pacientëve të sëmurë rëndë dhe atyre që kanë nevojë për kujdes intensiv po shkon në qindra. Ai bëri apel qytetarëve të qëndrojnë në shtëpi, pasi nuk ka një rrugë tjetër më të lehtë për të mbajtur nën kontroll përhapjen e COVID 19. Në Francë 127 persona kanë humbur jetën, ndërsa numri të prekurve i ka kaluar 5000.
Frika n u reflektua dhe në zgjedhjet lokale që u mbajtën të dielën. Edhe pse nën masa të rrepta, mediat franceze shkruajnë për pjesëmarrjen më të ulët prej 45% që nga zgjedhjet e fundit në 2014. Madje opozita dhe kritikët hodhën akuza ndaj qeverisë për zhvillimin e zgjedhjeve në mesin e një krize vdekjeprurëse. Por pavarësisht këtyre kritikave, presidenti Emmanuel Macron së bashku me bashkëshorten e tij, ishin ndër të parët që votuan.
Me të njejtën situatë u përballen edhe qytetarët në Bavari në Gjermani. Vendvotimet ishin të pajisura me xhel dezinfektuese ndërsa votuesive iu kërkua të merrnin stilolapsa me vete. Megjithatë pjesa më e madhe u shprehën vullnetin e tyre me anë të postës. Ndërkohë në Spanjë koronavirusi po përhapet me shpejtësi. 294 viktima janë regjistruar deri më tani ndërsa numri it ë prekurve është rritur në 7,988. Qeveria shpalli gjendjen e jashtëzakonshme për 2 javë, ndërsa kete të hene gjithë qytetarëve u është këkuar të mbyllen në shtëpi.
Por menjëherë pasi kryeministri Sanchez njoftoi masat e reja kufizuese, mediat spanjolle bene te ditur se bashkëshortja e tij, Maria Begoña Gómez është e prekur me virusin Covid 19, megjithatë gjëndja e saj shëndetësore është e qëndrueshme.
Edhe dy ministra të Kabinetit të Sánchez, ministri i barazisë dhe ai i çështjeve rajonale, janë te infektuar.
Në Britaninë e Madhe Mediat shkruajnë se në rastin më të keq, lufta me Covid 19 do të mund të zgjasë deri pranverën e ardhshme, dhe rreth 80% e popullësisë do të infektohet.
Presidentja e Komisionit Europian Ursula Von Der Leyen paralajmëroi se të gjitha vendet e Bashkimit Europian që po mbyllin kufinjt për transportin e mallrave duke shkaktuar mungesa të theksuara të produkteve ushqimore në treg. Ajo paralajmëroi se tregu i brendshëm i BE-së duhet te vazhdoje te funksionoje normalisht.
