Presidentja e Komisionit Evropian, Ursula von der Leyen, në fjalimin për Gjendjen e Unionit në seancën plenare të Parlamentit Evropian në Strasburg deklaroi se unioni qëndron në solidaritet të plotë me Poloninë, pas hyrjes së dronëve rusë në hapësirën ajrore polake.
“Ne qëndrojmë pranë Polonisë në solidaritet absolut”, tha Presidentja.
Ajo theksoi se Evropa është në luftë dhe tani tani është momenti që të jetë e bashkuar.
Ursula von der Leyen: Evropa është në një luftë. Një luftë për lirinë tonë dhe aftësinë tonë për të përcaktuar vetë fatin tonë. Ky duhet të jetë Momenti i Pavarësisë së Evropës. Një moment që mund ta shfrytëzojmë nëse jemi të bashkuar.
Sot, kemi parë një shkelje të pamatur dhe të pashembullt të hapësirës ajrore të Polonisë dhe Evropës nga më shumë se 10 dronë rusë Shahed. Evropa qëndron në solidaritet të plotë me Poloninë.
Europe is in a fight.
A fight for our liberty and our ability to determine our destiny for ourselves.
This must be Europe’s Independence Moment.
A moment we can seize if we’re united ↓ https://t.co/EcrY5Mi7kU
— Ursula von der Leyen (@vonderleyen) September 10, 2025
Von der Leyen bëri thirrje për unitet në fillim të fjalimit të saj: “Unitet midis shteteve anëtare. Unitet midis institucioneve të BE-së. Unitet midis forcave demokratike pro-evropiane në këtë Dhomë.”
“Rusia javën e kaluar nisi sulmin e saj më të madh ndaj Kievit dhe sot patëm një shkelje të paprecedentë të kufijve dhe hapësirës ajrore të Polonisë nga dronë rusë. Ne qëndrojmë në solidaritet të plotë me Poloninë. Mesazhi i Putinit është i qartë, ashtu si edhe përgjigjja jonë: Më shumë sanksione , ndërsa paketa e 19-të është duke u përpunuar”, tha ajo.
Presidentja e Komisionit paraqiti vizionin e saj politik për të ardhmen e BE-së. I njohur si SOTEU, fjalimi njëorësh shënoi fillimin zyrtar të vitit të ri të punës për institucionet e BE-së.
