Ish-deputetja e PD, Jorida Tabaku reagoi në rrjetet sociale pas fjalës së mbajtur nga kryeministri Edi Rama për eurobondin 650 milionë euro. Tabaku tha se ky është një borxh që qeveria e ka marrë për hallet e kryeministrit dhe jo për qytetarët.

“Edi Rama është një gënjeshtar i paskrupullt. Sa herë është në vështirësi bën 2 gjëra: gënjen edhe më shumë shqiptarët dhe sulmon personalisht këdo që u thotë shqiptarëve të vërtetën se ai është përgjegjësi për krizën e rëndë të ekonomisë. 650 milionë euro të tjera, të marra borxh, njësoj si borxhet e mëparshme të kësaj qeverie, do të shkojnë për projektet korruptive të Edi Ramës, që nuk kanë lidhje me interesin publik, por vetëm të 4-5 njerëzve. Ekonomia sot është në prag falimenti, bizneset po mbyllen, njerëzit marrin ushqim me lista, por Edi Rama vazhdon të firmosë koncesione korruptive 2,2 miliardë euro. 650 milionë euro të tjera, të marra borxh, janë vetëm maja e ajsbergut. Një borxh ekstra për veset e vjetra të kryeministrit Rama, pa asnjë shqetësim për hallet e shqiptarëve.”

Shqipëria arriti të sigurojë 650 milionë euro kredi nëpërmjet emetimit të një eurobondi në tregjet ndërkombëtare. Kryeministri Edi Rama e konsideroi sukses dhe besim të institucioneve ekonomike europiane dhënien e një kredie 650 milionë euro me interesa të favorshme nga eurobondi.

Leave a Reply

Your email address will not be published. Required fields are marked *