Përfaqësuesi Special i SHBA-ve për Ballkanin Perëndimor, Gabriel Escobar ndodhet në Kosovë së bashku me me tëdërguarin e BE-së për dialogun, Miroslav Lajçak
Escobar në një konferencë për media ka dhënë mesazhin se Shtetet e Bashkuara të Amerikës mbështesin fuqishëm pavarësinë dhe integritetin territorial të Kosovës. Mes të tjerash ai tha se kanë pasur takime të suksesshme me udhëheqësit kyç të Kosovës.
“Mendoj se në këtë rol është më rëndësi për mua që të bëjë vizitën e parë në Kosovë për të treguar unitet dhe përkushtimin tonë ndaj dialogut. Jemi takuar me të gjithë udhëheqësit kyç dhe mendoj se kemi pasur takime të mira.
Në fund të këtij procesi shpresojmë që të ketë rezultat dhe të ketë një zgjidhje që do të jetë e mirë si për Kosovën dhe Serbinë. Kjo administratë bashkë me administratat tjera të SHBA-ve mbështesin fuqishëm pavarësinë dhe integritetin territorial të Kosovës”, tha Escobar.
