Ersekë, aksident me vdekje

Një i ri humbi jetën dhe një tjetër mbeti i plagosur në një aksident rrugor pranë aksit Korçë-Ersekë, në vendin e quajtur “Ura e Selenicës”. Sipas policisë se qarkut Korçe, shtetasit, me iniciale A. L, 19 vjeç dhe M.L, 24 vjeç, te dy banues në fshatin Qinam të Ersekës, ishin duke drejtuar një motor 50 kubik në momentin që u përplasën me një kalë dhe më pas përfunduan në një kanal vaditës. Si pasojë e aksidentit, ka ndërruar jetë në vend drejtuesi i motoçikletës, 24 vjeçari M.L dhe u transportua për mjekim të specializuar në spitalin e Korçës i riu A.L. Grupi hetimor thekson se, shkak për aksidentin mund të jetë errësira, pasi aksi është i pandriçuar, por nuk përjashtohet edhe shpejtësia tej normave e drejtuesit të motoçikletës, i cili nuk shmangu kafshën që ishte në mes të rrugës.