Eksperti i Sigurisë Fatjon Softa ka bërë një analizë të zhvillimeve më të fundit në vendin tonë.
Nga studio e Quo Vadis, ai tha se krimi i organizuar, që është denoncuar edhe nga opozita, është përfshirë në proceset zgjedhore, por shton se kjo akuzë duhet të jetë e zbardhur për ti bërë një analizë më të plotë.
Ai shtoi më tej se analiza kryesore duhet të bëhet për mënyrën se si krimi i organizuar ka përfituar kaq shumë territor. Personazhet e “botës së errët” erdhën sipas tij nga krime ordinere, në krim të organizuar.
Këta personazhe tha Softa e kanë shtrirë ndikimin e tyre deri në investimet në ndërtim.
“Pjesëmarrja e krimit të organizuar në zgjedhje kërkon hetime sepse këto gjëra duhet të jenë të zbardhura. Dumani thotë se në zgjedhjet e ardhshme do ketë qasje tjetër.
Njihen për lidhje të personazheve të botës së krimit me zgjedhjet. Janë përdoriur në shumë zona elektorale por nuk e dimë rezultate. Asnjëherë nuk e dimë rezultatin e saktë, sepse zgjedhjet janë kontenstuar.
Këta erdhën nga krime ordinere në krime të organizuara. Nga kleringu për vrasje në territore, në investimet për leje ndërtimi. Një pjesë ikin sepse në publik thuhet që komandon politika ose krimi. Shefi i SPAK thotë që janëpërdorur edhe bankat. Të përdorësh bankat për transaksione, nuk e di unë. Si ke kurajo të ngresh helikopterët që kanë krijuar pista private. Ti nuk bën dot zhurmë me matrapik se të vjen policia, jo më këto”, tha Softa./vizionplus.tv
