Sot mbushen 6 vjet nga vizita e Papa Françeskut në Shqipëri. Kryeministri Edi Rama e ka kujtuar këtë vizitë historike përmes një postimi në “Instagram”
Kreu i qeverisë ka publikuar një foto ku shfaqet tij, teksa nënvizon fjalët e Papa Françeskut: “Erdha për t’iu inkurajuar që të rritet shpresa brenda dhe mes jush. Uroj që shqiponja që keni në flamurin tuaj, të mbajë gjithmonë shpresën tek Zoti që nuk zhgënjen e qëndron pranë në momente të vështira”.
Papa zgjodhi Shqipërinë, si vizitën e parë të tij në Evropë. Ai qëndroi për rreth 12 orë në Tiranë, ku i bëri Shqipërisë një jehonë të madhe për bashkëjetesën fetare.
