Sotiraq Mëhilli humbi jetën si pasojë e një atentati të bërë në Vlorë gjatë mesnatës ndërsa mbeti I plagosur Eno Mata.
Në fshatin Bishan policia ka gjetur një automjet tip Benz duke u djegur si dhe dy kallashnikovë që dyshohet të kenë lidhje me atentatorët e Mëhillit dhe të Matës.
Edhe pse paraprakisht nuk ka asnjë të dyshuar për ngjarjen, mendohet se shënjestra e atentatit ka qenë Eno Mata.
32 vjeçari ka pasur një të kaluar kriminale në Greqi ku dhe njihej me emrin Aleksandro Mata.
Mata së bashku me shokun e tij Mikel Brahimaj akuzohen se në vitin 2017 kanë vrarë avokatin e njohur grek Mihalis Zafiropulos më Athinë.
Ai akuzohet gjithashtu edhe për një sërë vjedhjesh. Në vitin 2018 Mata ka marrë pjesë në grabitjen e një argjendarie në lagjen “Ambelokipi” të Athinës.
Po ashtu ai akuzohet edhe për vjedhjen e një filiali banke.
E ndërsa ishte në kërkim nga policia ai ishte arratisur nga Greqia dhe fshihej në Shqipëri ku ra pre e atentatit, por mbeti i plagosur rëndë. Dyshimet e para janë se atentati mund të jetë porosi nga Greqia.
Lexo me shume ne linkun e meposhtem:
Atentat të rinjve në Vlorë, ja viktima dhe i plagosuri/ FOTO
