Janë bërë gati 48 orë tashmë që kur efektivi i policisë, Erjon Goxhara qëlloi gjashtë herë në drejtim të Lorenc Kostës duke e lënë të shtrirë mes pellgut të gjakut në njërin prej trotuareve të zonës së njohur si “Komuna e Parisit” në Tiranë.
Që prej atij momenti, sipas dëshmisë së të birit të siguruar nga Vizion Plus, Goxhara iku në drejtim të Freskut ku edhe ka humbur gjurmët.
Lexo edhe :
Related Posts
Djali i tij tha për blutë e kryeqytetit se në momentin kur ishin në Fresk, babanë e tij e panë dy policë të veshur civilë, e kishin thirrur në emër, por Goxhara u largua me vrap.
Nga ai moment, policia nuk ka asnjë gjurmë të Erjon Goxharës edhe pse janë dhënë 10 mijë euro si shpërblim për këdo që jep informacion mbi vendndodhjen e tij.
Sherri me gruan për lidhjen e saj me Lorenc Kostën
Në materialin hetimor të Policisë së Tiranës që është dërguar në Prokurori, siguruar nga Vizion Plus, evidentohet një takim mes efektivit të Policisë, bashkëshortes dhe nipit të tij.
Takimi ka ndodhur mëngjesin e 19 gushtit, ditën kur ka ndodhur ngjarja.
Në momentin kur ka përfunduar biseda, bashkëshortja e Goxharas ka goditur veten me grushta, por nuk pranoi të kërkojë ndjesë për tradhtinë ndaj bashkëshortit.
Në deklarimet e dhëna para Oficerëve të Policisë Gjyqësore në prani të psikologut, djali i mitur i çiftit bashkëshortor, konfirmon se konfliktet mes prindërve të tij kanë nisur që nga mesi i korrikut, kohë kur sipas tij, e ëma pranoi dyshimet e Goxharës për lidhjen jashtë martesore me Kostën.
Për raportin gruaja thotë se ka ndodhur vetëm një herë. Polici që shtiu 6 plumba drejt inxhinierit të ERE i ka kërkuar të shoqes që të kërkonte ndjesë, por që kjo e fundit nuk ka pranuar.
Të njëjtën ditë, Goxhara pasi mbaroi takimin në qendrën tregtare shkoi në shtëpinë e tij dhe ka organizuar ngjarjen. Sipas grupit hetimor polici 46-vjeçar, e ka mbajtur në vëzhgim 45-vjeçarin Kosta dhe deri në këtë fazë hetimi. /vizionplus.tv
