Tiranë – Një sasi lënde plasëse shpërtheu në orët e para të mëngjesit të sotëm në lokalin në pronësi të shtetasit Arbër Sinani, në Rrugën e Durrësit.
Pronari i lokalit ka deklaruar në polici se nuk e ka idenë se kush mund të jenë autorët.
Sipas tij, ai nuk ka konflikte me persona të tjerë.
Mësohet se Sinani nuk figuron person me precedent penal në Shqipëri.
Ai prej disa kohësh ka jetuar në Gjermani, ku dyshohet se mund të ketë qenë i përfshirë në paligjshmëri dhe përplasjet me persona të tjerë për drogën, mund të jetë motivi për vendosjen e eksplozivit.
Dy kamera që ka lokali, nuk kanë DVR çka e bën të vështirë punën për hetuesit për identifikimin e aktorëve të dyshuar. Ndërkohë janë sekuestruar kamerat e bizneseve të tjera për t’i ardhur në ndihmë grupit hetimor./vizionplus.tv
