Një 58-vjeçar nga Rrësheni është gjetur i vdekur në rrugën e Kapshticës. Nga këqyrja paraprake e trupit të viktimës nuk janë konstatuar shenja dhune.
Dyshohet se 58-vjeçari ka humbur jetën nga i ftohti ose ndonjë arrest kardiak.
58-vjeçari Edmond Ceka është gjetur i vdekur në afërsi të ish-doganës së vjetër të Kapshticës, në shtegun e njohur si “Shtegu i Refugjatëve”, dhe dyshohet se mund të ketë tentuar të kalojë i vetëm në këmbë kufirin e gjelbër drejt Greqisë për të gjetur punë sezonale në vendin fqinj.
58-vjeçari kishte katër ditë që lëvizte në qytetin e Bilishtit dhe fshatrat përreth në kërkim të një pune, qoftë edhe si bari.
Në kushtet kur nuk e kishte të mundur gjetjen e një pune, 58-vjeçari në këmbë ka marrë rrugën e njohur si “Shtegu i Refugjatëve” për të kaluar në anën tjetër të kufirit, drejt shtetit helen.
Ajo çfarë mësohet është se në trupin e 58-vjeçarit nuk janë konstatuar shenja dhune. Mjekësia ligjore do të përcaktojë shkakun e vdekjes së tij. /vizionplus.tv
