Një lajm i trishtë ka goditur botën e modelingut në prag festash. Liana Eva Amoutza, modelja dhe sipërmarrësja e njohur është ndarë nga jeta në moshë të re.
Modelja bukuroshe greke e cila ishte me origjinë nga Volosi vuante prej disa kohësh nga një sëmundje e rëndë, dhe pavarësisht betejës së madhe që bëri kundër kësaj sëmundjeje nuk mundi të mbijetojë, duke mbyllur sytë para kohe.
Tezja dhe kushërirat e Lianës – Eva Amoutza kanë shkruar në Facebook: “Gjithmonë keni pasur qëllime të larta. Keni dashur të arrinit lart. Por nuk e kishim imagjinuar kurrë se do të arrinit kaq lart. Udhëtim të mbarë në lagjen e engjëjve, shpirti ynë i bukur. Drita e Krishtit tonë ju çoftë tek Ai.Ne ju duam shumë dhe do t’ju duam përjetë.tezja juaj dhe kushërinjtë tuaj…!!!” .
Shoqja e saj i tha lamtumirën përmes Facebook-ut, duke shkruar: “Më thatë se do të plakemi bashkë o mik…dhe do të buzëqeshnim gjithmonë, por ti nuk e mbajte fjalën dhe ike pa u kthyer. Do të të dua gjithmonë dhe do ta kujtoj buzëqeshjen tënde.’
Gjatë karrierës së saj profesionale si modele, ajo kishte luajtur në videoklipe të këngëtarëve të ndryshëm, mes tyre edhe këngën “Për nder” të Thanos Petrelis. Ajo gjithashtu ka bërë shumë kopertina në shumë revista, si ELLE.
/Vizionplus.tv/
