Një 26-vjeçar shqiptar është ekzekutuar me armë zjarri rreth orës 05:00 të mëngjesit në sotëm në Montecalvoli, Itali. Viktima është identifikuar si Kevin Muharremi.
Ngjarja e rëndë ndodhi në via della Repubblica, në provincën e Pizës.
Lexo edhe :
Related Posts
Sipas rindërtimit paraprak të ngjarjes, i riu po kthehej në shtëpi pas një mbrëmjeje të kaluar në një pub në zonën e Valderës, ku dyshohet se kishte ndodhur edhe një konflikt.
Ai udhëtonte me makinë së bashku me një mik dhe një kushëri, ndërsa ishte i ulur në vendin e pasagjerit.
Teksa automjeti po kalonte në qendër të fshatit, një makinë tjetër i është afruar ose e ka ndjekur në lëvizje.
Nga makina u qëlluan të paktën tre plumba, sipas dëshmive të disa banorëve të zgjuar nga të shtënat. Plumbat e kanë goditur 26-vjeçarin në qafë, duke i shkaktuar plagë fatale.
Shërbimet e emergjencës mbërritën brenda pak minutash. Personeli mjekësor tentoi për një kohë të gjatë ta mbante në jetë, por i riu nuk arriti të mbijetojë.
Në vendngjarje ndërhynë edhe karabinierët, të cilët nisën menjëherë hetimet dhe po mbledhin dëshmi për të sqaruar plotësisht dinamikën e atentatit, si dhe për të verifikuar nëse ngjarja lidhet me konfliktin e ndodhur më herët dhe për të identifikuar personat që ndodheshin në automjetin tjetër./vizionplus.tv
