EMRI/ Disa muaj më parë mori peng një vajzë në Astir, kush është i riu që i rezistoi policisë dhe u kap me armë sot në Tiranë

Është identifikuar personi i armatosur që u arrestua pasditen e kësaj të mërkure nga policia në Tiranë.

Burime nga gazetari i Vizion Plus, Esido Barkaj, bëjnë me dije se bëhet fjalë për Skerdi Sinën.

Lexo edhe :

Related Posts

DETAJE/ I dashuri i vajzës kishte marrë me qira dy banesa, gjenden armë kokainë! Çfarë ndodhi në Astir pas telefonatës që alarmoi RENEA-n

Në janar mbajti peng 21-vjeçaren në "Astir", dje i iku policisë dhe përplasi tre makina, Joni Sadikaj arratiset sërish

“Më kanë marrë peng disa persona”, policia reagon pasi hyri në banesën në Astir: Nuk u konstatuan shenja të dukshme fizike

Sipas informacioneve, policia kishte ndjekur automjetin e tij nga zona e “Myslym Shyrit” deri në rrugën “Andon Zako Çajupi” në ish-Bllok. Gjatë ndjekjes, për të shmangur arrestimin, ai përplasi disa automjete të parkuara në rrugë.

Skerdi Sina nuk është emër i panjohur për autoritetet. Në janar të këtij viti, ai u shpall në kërkim së bashku me katër persona të tjerë, pasi dyshohej se kishte mbajtur të mbyllur një 21-vjeçare në një banesë të marrë me qira ditore në zonën e Astirit.

Ngjarja tronditëse ndodhi më 9 janar 2025, kur një vajzë, Sajma Qordja, njoftoi policinë se ishte marrë peng dhe dhunuar nga disa djem, mes tyre edhe Skerdi Sina. Ajo kishte arritur të kontaktonte Policinë, duke i treguar se ndodhej në katin e 8-të të një pallati dhe kërkonte ndihmë.

Gjatë kontrolleve, u zbulua se djemtë kishin marrë me qira dy apartamente, në njërin u gjetën dy armë në tavolinë dhe shenja të përdorimit të kokainës, ndërsa në tjetrin po qëndronte e reja.

Apartamenti ku u gjetën armët ishte thuajse i shkatërruar. /vizionplus.tv